3 Pen Cei Guest House

GŴYL BWYD MÔR BLYNYDDOL

Cynhelir Gŵyl Bwyd Môr yn flynyddol ar y Cei, gyda stondinau lliwgar ar hyd a lled yr harbwr. Coginir pysgod a bwyd môr o’ch blaen gan arbenigwyr, ceir celf ar y traeth, yn ogystal â bandiau pres, barbeciw macrell a cherddoriaeth jazz, cystadlaethau dal crancod a rasio gwichiaid. Ceir cerddoriaeth fyw gyda’r nos ar ben y cei!

Dyddiad: 4ed Gorffennaf 2010

GŴYL COBIAU CYMREIG ABERAERON

Mae Lôn Cambria’n croesi Canolbarth Cymru rhwng Aberystwyth a’r Amwythig. Mae’r llwybr beicio’n 113 milltir o daith ar hyd lonydd cefn gwlad, dyffrynnoedd, llwybrau a heolydd mynyddig gan gynnwys golygfeydd panoramig o gefn gwlad Cymru.

Dyddiad: 8 Awst 2010

CARNIFAL ABERAERON

Gŵyl sy’n anrhydeddu’r macrell ac sy’n cydnabod ei bwysigrwydd i fywyd y dref. Yn ôl rhai, dyma garnifal gorau Cymru, gyda digonedd o jazz gan Fand Jazz Adamant.

Dyddiad: 30 Awst 2010

Lôn Cambria

Mae Lôn Cambria’n croesi Canolbarth Cymru rhwng Aberystwyth a’r Amwythig. Mae’r llwybr beicio’n 113 milltir o daith ar hyd lonydd cefn gwlad, dyffrynnoedd, llwybrau a heolydd mynyddig gan gynnwys golygfeydd panoramig o gefn gwlad Cymru.

Gellir prynu mapiau o: Sustransshop

LLYFRGELL GENEDLAETHOL CYMRU

Un o lyfrgelloedd gorau’r byd, mae ganddi gasgliad enfawr o waith am Gymru a’r gwledydd Celtaidd eraill yn ogystal â miloedd o lawysgrifau ac archifau, lluniau a ffotograffau, mapiau, recordiadau sain a delweddau symudol (mae’r holl adnoddau ar gael yn rhad ac am ddim i bobl dros 16).

Ymwelwch â: Llyfrgell Genedlaethol Cymru

YMDDIRIEDOLAETH GENEDLAETHOL: LLANERCHAERON

Ystad Gymreig o’r 18 ganrif

• Wedi’i chynllunio a’i hadeiladu gan John Nash
• Nifer o nodweddion gwreiddiol gan gynnwys cwrt gyda llaethdy, golchdy, bragdy a halldy
• Fferm organig sy’n parhau i weithio a dwy ardd gaeedig
• Wedi’i leoli yn nyffryn Aeron gyda rhodfeydd ar hyd yr ystad

Ymwelwch â: Ymddiriedolaeth Genedlaethol

GOLFF

Clwb Golff Aberdyfi

• Cwrs golff pencampwriaeth er 1892 wedi’i leoli ar arfordir hardd y canolbarth. Yn addas ar gyfer golffwyr o bob safon. Mae tystysgrif handicap yn angenrheidiol.
• Ymwelwch â: Clwb Golff Aberdyfi

Clwb Golff Aberystwyth

• Cwrs parcdir wedi’i leoli’n uchel ar ben yr allt uwchben tref Prifysgol Aberystwyth. Cwrs heriol gyda golygfeydd rhyfeddol dros Fae Ceredigion.
• Ymwelwch â: Clwb Golff Aberystwyth

Clwb Golff Borth & Ynyslas

• Mae’r cwrs yma’n ffinio â Bae Ceredigion ac mae’n un o hoff gyrsiau Undeb Golff Cymru. Honnir mai dyma gwrs hynaf Cymru.
• Ymwelwch â: Clwb Golff Borth & Ynyslas

Clwb Golff a Gwledig Penrhos

• Cwrs golff pencampwriaeth 18 twll wedi’i gynllunio’n arbennig o dda, sialens i’r golffiwr gorau, hyd yn oed. Mae cwrs 9 twll ar gael hefyd.
• Ymwelwch â: Clwb Golff Penrhos